Ulttyq bank tóraǵasy Ǵalymjan Pirmatov tólem kartalarynyń bankaralyq jáne jedel tólem júıesi iske qosylǵanyn málimdedi, dep habarlaıdy Egemen.kz.
Memleket basshysynyń tapsyrmasyn oryndaý aıasynda 2021 jylǵy qarashada Ulttyq bank ulttyq tólem júıesiniń quramdas bólikteri - kartalyq operasııalardy óńdeýge arnalǵan bankaralyq tólem kartalary júıesin jáne mobıldi onlaın tólemderge qyzmet kórsetýge arnalǵan jedel tólem júıesin pılottyq rejımde iske qosty.
«Ulttyq tólem júıesi jumys isteýi úshin qajetti normatıvtik-quqyqtyq baza ázirlendi, ol 1 shildege deıin tolyq iske qosylady dep kútiledi», dedi Pirmatov Prezıdent Qasym-Jomart Toqaevtyń qatysýymen ótken Úkimettiń keńeıtilgen otyrysynda.
Onyń aıtýynsha, 2021 jyly Ulttyq bank «sıfrlyq teńgeni» engizý boıynsha pılottyq jobany qolǵa alǵan.
«Qazirgi ýaqytta platformanyń prototıpin ázirleý aıaqtaldy, 2021 jyldyń jeltoqsanynda pılottyq jobanyń nátıjeleri týraly qorytyndy esep jarııalandy. Bıyl paıda men shyǵyndardy baǵalaı otyryp, sıfrlyq teńgeni engizý modeli boıynsha túpkilikti sheshim qabyldanady», dep qosty ol.