Shymkenttik «Ordabasy» fýtbol klýbyna jańa prezıdent taǵaıyndaldy, dep habarlaıdy Egemen.kz.
Komandanyń dırektorlar keńesiniń sheshimimen Baýyrjan Abdýbaıtov «Ordabasy» fýtbol klýbynyń jańa prezıdenti bolyp taǵaıyndaldy.
Baýyrjan Toıshybekuly 1959 jyly 27 qarashada dúnıege kelgen. Qazaqstan fýtbol federasııasy Atqarýshy komıtetiniń múshesi, Qazaqstan fýtbol federasııasynyń áıelder fýtboly komıtetiniń tóraǵasy. 2002 jyldan beri «BIIK» kompanııasynyń prezıdenti qyzmetin atqarǵan («BIIK» fýtbol ortalyǵy jáne «BIIK-Shymkent» ÁFK). Abdýbaıtovtyń jetekshiligimen «BIIK-Shymkent» áıelder klýby ÝEFA Chempıondar lıgasynyń 1/8 fınalyna úsh márte shyqqan bolatyn. Komandany buǵan Baqtııar Baıseıitov basqarǵan edi.