Jazýshy, satırık, Qazaqstannyń Eńbek sińirgen qaıratkeri, Halyqaralyq «Alash» ádebı syılyǵynyń ıegeri Tabyl Qulyıas qaıtys boldy, dep habarlaıdy Egemen.kz.
Bul týraly aqyn, Qazaqstan Jazýshylar odaǵy Nur-Sultan fılıalynyń dırektory Dáýletkereı Kápuly áleýmettik jelidegi paraqshasynda jazdy.
Tabyl Qulyıas - 1935 jyly 15 jeltoqsanda Aqtóbe oblysy, Oıyl aýdany, «Qarakól» keńsharynda týǵan.
1978 jyly QazMUÝ-dy bitirgen. 1950 jyldan bastap respýblıkalyq «Pıoner» jýrnaly, «Qazaqstan pıoneri» (qazirgi «Ýlan»), «Lenınshil jas» (qazirgi «Jas Alash») gazetterinde maqala, óleńderi shyǵyp turdy. 1957 jyldan Oıyl aýdandyq «Eńbek týy», «Jarshy» gazetterinde aımaqtyq, respýblıkalyq basylymdar da ocherkteri jarııalana bastady. «Kókshetaý pravdasy», Jambyl oblystyq «Eńbek týy» gazetterinde qyzmet istegen. 1970 jyly respýblıkalyq tele-radıonyń Torǵaı, Aqmola oblystaryndaǵy menshikti tilshisi, qazaq televıdenıesiniń nasıhat redaksııasynda redaktor qyzmetin atqara júrip, «Jebe» satıralyq jýrnalyn shyǵardy. Tuńǵysh satıralyq kitaby «Kesilgen burym» 1977 jyly jaryq kórdi. «Saýda saqal sıpaǵansha», «Qońyraýly kúlki-gramma», «Jalmaýyz», «Quıyn », «Aqmyltyq» (eki tom), «Jegi» satıralyq kitaptary, «Shemen sher», «Dúnıe dáýren», «Izet» sııaqty ocherkteri, Jıenǵalı Tilepbergenov týraly «Ańyz izimen» romany shyqty . LKJO-nyń Qurmet gramotasymen, «Tyń ıgergeni úshin», «Eńbek ardageri» medaldarymen marapattalǵan. B. Qydyrbekúly atyndaǵy syılyqtyńlaýreaty, Oıyl aýdanynyń Qurmetti azamaty, Qazaqstannyń eńbek sińirgen qaıratkeri.