Jetisýdan da iri maınıng fermasy tabyldy. Jambyl aýdanynda ornalasqan zańsyz krıptovalıýta óndirisin Sybaılas jemqorlyqqa qarsy kúres qyzmeti Almaty oblysy boıynsha departamentiniń qyzmetkerleri aımaqtyq ekonomıkalyq tergeý departamentimen birlesip áshkereledi, dep jazady Egemen.kz.
- Zańsyz áreketti yntaly top sheteldik ınvestorlardyń qoldaýymen buryn maqta-mata fabrıkasy bolǵan «Qarǵaly aksıonerlik qoǵamynyń aýmaǵynda júzege asyryp kelgen. Belgili bolǵandaı, uıymdastyrýshylar maınıng fermasy tutynǵan elektr qýaty úshin jeńildetilgen tarıf boıynsha aqy tólegen. Iаǵnı, jumsalǵan energııany toqyma óndirisi atynan tutynylatyn elektr qýatynyń qunymen eseptep, jaýyp otyrǵan. Tintý kezinde mamandar quny 1 mlrd teńgeden asatyn krıptovalıýta óndirýge qabiletti iri shıfrlaý kesheninen turatyn 2800 birlikten astam jabdyqty tárkiledi. Qazir tergeý amaldary bastalyp, saraptama taǵaıyndaldy. О́zge aqparat tergeý múddesine saı jarııa etilmeıdi, - deıdi Sybaılas jemqorlyqqa qarsy kúres qyzmeti Almaty oblysy boıynsha departamentiniń baspasóz qyzmetiniń ókili.
Osylaısha, aýyldaǵy maınıng fermasy memleketke 131 198 909 teńge mólsherinde zalal keltirgen kórinedi. Ári bul aldyn ala baǵalaý boıynsha belgili bolǵan shyǵyn ǵana. Tekserý barysynda aımaqtyń energetıkalyq qaýipsizdigine kelgen zııannyń kólemi men kóleńkeli ekonomıkaǵa jumsalǵan qarjynyń mólsheri ósýi múmkin. Aıtpaqshy, maınıng fermasyn uıymdastyrýshylar Almaty oblysyn qýat kózimen qamtamasyz etip otyrǵan ir monopolıst mekeme – «Alataý Jaryq kompanııasy» aksıonerlik qoǵamynyń laýazymdy tulǵalary men men Jambyl aýdany elektrmen qamtý júıesi torabynyń baqylaýshy qyzmetkerlerine 50 myń teńgeden bastap, 1,5 mln teńgege deıingi somada para berip otyrǵan eken. Buǵan deıin «Alataý Jaryq» kompanııasyn 2011 jyldan beri basqaryp kelgen Muhıt Úmbetov óz erkimen qyzmetten ketken bolatyn.
Jalpy, Almaty oblysy elimizdegi elektr qýatyn asa iri kólemde tutynatyn aımaqqa jatady. Ári óńirdiń energetıka óndirý múmkindigi ishki qýat naryǵyndaǵy suranystyń 60 paıyzyn ǵana oryndaýǵa múmkindik beredi. Al jetisýlyqtar jaryq jetispeýshiligin kórshiles Jambyl oblysy men Qyrǵyzstannan tasymaldanatyn energııa kózderi arqyly sheshýge májbúr bolyp otyr.