Nur-Sultan qalasynyń qorshaǵan ortany qorǵaý jáne tabıǵatty paıdalaný basqarmasy 2020 jyly «Kazecotech ǵylymı-tehnıkalyq kásiporny» JShS-men qaýipti qaldyqtardy basqarý boıynsha memleket-jekeshelik áriptestik shartyn jasasty. Nátıjesinde, qaıta óńdelgen materıaldar protezdik-ortopedııalyq buıymdardy daıyndaý kezinde paıdalanylatyn bolady.
Basqarmanyń usynymy negizinde iske qosylǵan MJÁ aıasynda modýldik seh salyndy. Bul Nur-Sultanda protezdik-ortopedııalyq kómek kórsetý ortalyǵyn qurýdyń alǵashqy qadamy bolyp sanalady. Sondyqtan elordada turatyn múgedek jandar Qazaqstannyń basqa óńirlerine barmaı-aq tolyq qyzmet túrin ala alady.
Tehnologııalyq proseste armatýralaıtyn materıal jáne t.b. sııaqty qaldyqtardy qaıta óńdeý kezinde alynatyn baǵaly materıaldyq resýrstar paıdalanylady.
Nur-Sultan qalasy ákimdiginiń qoldaýymen jekemenshik áriptester ońaltýdyń tehnıkalyq quraldary jáne protezdik-ortopedııalyq buıymdar salasyndaǵy álemdik kóshbasshy – Ottobock (Germanııa) nemis konsernimen kelissózder júrgizdi. О́z kezeginde olar elordalyq jobany qoldap qana qoımaı, ony júzege asyrýǵa belsendi qatysýda. Nátıjesi uzaqqa sozylmady: alǵashqy pasıentter aıaǵynan tik turyp, qalypty ómirge qaıta keldi. Endi Ottobock protezderi boıynsha kómek kórsetý Qazaqstan astanasynda da bolady. Bul rette joba buıymdardy óndirý kezinde qaıta óńdelgen shıkizatty paıdalaný arqyly qala ekologııasyn jaqsartýǵa úlken úles qosady.