QR Aqparat jáne qoǵamdyq damý mınıstri Asqar Omarov aqparattyq jumysty jetildirý jónindegi mindetter týraly aıtty, dep habarlaıdy Egemen.kz.
«2022 jyly bizdiń aldymyzda aqparattyq jumys sapasyn, otandyq BAQ-tyń básekege qabilettiligin odan ári damytý mindeti tur. Osylaısha, Memleket basshysynyń tapsyrmasy boıynsha úkimettiń aqparattyq jumysynyń deńgeıin aıtarlyqtaı kóterý qajet. Ol úshin memlekettik organdardy baǵalaýǵa BAQ-pen jumys isteý krıterıılerin engizý josparlanýda», dedi Asqar Omarov AQDM alqasynyń keńeıtilgen otyrysynda.
Mınıstr atap ótkendeı, osy jyly vedomstvo BAQ jáne ÚEU ókilderimen aqparat salasyn damytýdyń 2023-2025 jyldarǵa arnalǵan Ulttyq jospary sheńberinde BAQ salasyn damytý máselesin belsendi talqylaıtyn bolady.
«Medıa mamandardyń biliktiligin damytýǵa, halyqtyń medıa jáne aqparattyq saýattylyǵyn qalyptastyrýǵa baǵyttalǵan 2022-2023 jyldarǵa arnalǵan arnaıy oqytý josparyn iske asyrý josparlanýda. Qazaqstandyq ınternet-segmentti damytý bıylǵy jyly basym baǵyttardyń biri bolady. Qazaqtildi ınternet-resýrstardy, mýltımedııalyq kontentti jáne onlaın-platformalardy da damytý qajet», dep tolyqtyrdy vedomstvo basshysy.
Asqar Omarovtyń aıtýynsha, qoǵamdaǵy medıasaýattylyq deńgeıin arttyrý úshin ÚEU-men birlesip medıa jáne aqparattyq saýattylyq aptasyn ótkizý josparlanýda.