Ulttyq statıstıka bıýrosynyń málimetine qaraǵanda, 2022 jylǵy 1 aqpandaǵy jaǵdaı boıynsha halyq sany 19 mıllıon 143 myń 200 adamdy qurady, dep habarlaıdy Egemen.kz.
Bul rette qalalarda turatyn qazaqstandyqtardyń sany – 11 mln 389 myń 200 adamdy (59,5%), aýyldyq jerlerde – 7 mln 754 myń adamdy (40,5%) qurady.
Ulttyq bıýroda atap ótkendeı, 2021 jyldyń 1 aqpanymen salystyrǵanda halyq sany 245,3 myń adamǵa nemese 1,3%-ǵa ósti.
2022 jylǵy qańtarda respýblıka halqynyń tabıǵı ósimi 2021 jylǵy qańtarmen salystyrǵanda (21,7 myń adam) 17,3%-ǵa azaıdy jáne 17,9 myń adamdy qurady. Tabıǵı ósimniń jalpy koeffısıenti 1000 adamǵa shaqqanda 10,98 adamdy qurady.
AHAT organdarynyń derekteri boıynsha osy jyldyń qańtar aıynda týylǵandar sany 31,2 myń adamdy qurady, bul 2021 jyldyń tıisti kezeńine qaraǵanda 8,7%-ǵa az (34,2 myń adam). Týýdyń jalpy koeffısıenti 1000 adamǵa 19,10 týylǵandardy qurady.
Bul rette qaıtys bolǵandardyń sany 13,3 myń adamdy qurady, bul 2021 jylǵy qańtarǵa qaraǵanda (12,5 myń adam) 6,3%-ǵa artyq. О́limniń jalpy koeffısıenti 1000 adamǵa shaqqanda 8,12 ólimdi qurady.
Osy kezeńde 1 jasqa deıingi 274 sábı qaıtys boldy, 2021 jyldyń tıisti kezeńimen (241) salystyrǵanda bul kórsetkish 13,7%-ǵa artty. Náresteler óliminiń koeffısıenti 1000 týylǵanǵa 8,79 jaǵdaıdy qurady.