Mádenıet jáne sport mınıstri Dáýren Abaev Úkimet otyrysynda sport zal tapshy eldi mekenderge jyldam boı kóteretin, shyǵyny az sporttyq nysandar salý kerektigin aıtty, dep habarlaıdy Egemen.kz.
«Jalpy respýblıka boıynsha 42 myńnan astam sporttyq ǵımarat bolsa, sonyń 23 myńnan astamy aýyldy jerlerde ornalasqan. О́zderińiz biletindeı, sporttyq ınfraqurylym jetispeýshiligin sheshý maqsatymen 100 dene shynyqtyrý, saýyqtyrý keshenin salý jobasy iske asyrylǵan bolatyn», dedi mınıstr.
Onyń aıtýynsha, sporttyq nysandardyń keıbiri óz maqsatyna paıdalanylmaı keledi.
«Salynǵan keshender shynymen de sport nysandarynyń jetkilikti deńgeıde jaqsartqanyn aıtqym keledi. Biraq bular quny qymbat jobalar ekenin aıtý kerek. Sharýashylyq turǵydan jabdyqtaýǵa úlken qarjy kerek. Olardyń keıbiri turǵyndary kóship jatqan keleshegi az eldi mekenderde salynyp ketken. Sonyń saldarynan keıbir keshender tolyq qýatymen jumys istep turǵan joq. Ǵımarattardyń quramynda maqsatyna saı qoldanylmaıtyn alańdar bar. Biz osy tásildi ózgertýdi usynamyz. Bul máseleni sheshýdiń bir joly – jyldam boı kóteretin, shyǵyny az nysandar salý. Mysaly, Soltústik Qazaqstan oblysynyń ákimdigi aýyldyq eldi mekenderdi páter ınfraqurylymymen qamtamasyz etý úshin osyndaı tájirıbeni paıdalana bastady. Bul – áldeqaıda arzan, fýnksııanaly baı, jyldam tásil. Basqa ákimdikterden osy tásildi qarastyryp kórýdi suraımyz», dedi Dáýren Abaev.