Qazaqstan Prezıdenti Qasym-Jomart Toqaevtyń kezekti Joldaýy el halqynyń da, álemdik qoǵamdastyqtyń da kóńilinen shyqty dep paıymdaımyn. Jyldyń basty qujatyn der kezinde jarııalaý arqyly Prezıdent óziniń ustanǵan baǵytyn dál ýaqytynda aıqyndap berdi. Osylaısha, ol ózekti máselelerdi nazarda ustap otyrǵanyn ańǵartty.
Naqtylap aıtar bolsam, onyń «saıasattaǵy monopolııa túrli áleýmet keseldi týyndatatyny jáne memleketti daǵdarysqa ushyratatyny anyq», degen pikirimen tolyq kelisemin. Qasym-Jomart Toqaev osy sózdi aıtý arqyly eldegi jaǵdaılardy retteýge degen shyn nıetin ańǵartty.
Saıasatker retinde «sýperprezıdenttikten» bas tartý jáne týystary úshin zańnamalyq deńgeıde kvazımemlekettik sektordaǵy joǵary memlekettik laýazymdar men basshylyq laýazymdardy atqarýǵa tyıym salýy joǵary basshylyqtyń adaldyǵy men ashyqtyǵynyń jarqyn mysaly bolatynyn atap ótkim keledi.
Sonymen qatar Memleket basshysynyń oblystardyń ákimderi men olardyń orynbasarlaryna óz ókilettikteri kezeńinde áser etetin bıleýshi partııaǵa músheligin toqtatý týraly usynysy óte durys sheshim boldy dep esepteımin.
Davıd ChIChINADZE,
Grýzııa Parlamentiniń depýtaty,
«Trıbýna» partııasynyń jetekshisi