Pavlodar-Qyzylorda tas jolynda jol-kólik apatynan úsh adam qaza tapty. Zardap shekken eki adam aýrýhanaǵa jetkizildi, dep habarlaıdy Egemen.kz.
Jol apaty 6 sáýirde Ekibastuz qalasynan 20 shaqyrym jerde saǵat 16:45-te Pavlodar-Qyzylorda avtojolynyń 1279 shaqyrymynda bolǵan. 32 jastaǵy Chevrolet Cobalt júrgizýshisi kólikti basqara almaı, kıývetke shyǵyp, aýdarylyp ketken.
«Oryn alǵan apatta 1966, 1976 jáne 2008 jyldary týǵan Chevrolet kóliginiń jolaýshylary alǵan jaraqattarynan oqıǵa ornynda qaıtys boldy. 1987 jyly týǵan júrgizýshi men jolaýshy aýrýhanaǵa jetkizildi», dep málimdedi Pavlodar oblysy polısııa departamentiniń baspasóz qyzmeti.
Atalǵan fakti boıynsha QR QK 345-baby 4-bóligi «jol qozǵalysy erejelerin buzý nemese kólik quraldaryn basqaratyn adamdardyń kólik quraldaryn paıdalaný» isi boıynsha sotqa deıingi tergeý bastaldy.