Áskerge shaqyrylǵannan tórt kúnnen keıin qaıtys bolǵan mańǵystaýlyq sarbazdyń jumbaq ólimi qoǵamda úlken rezonans týdyryp otyr. 18 jastaǵy Álibek Qalbaı áskerı bólimge 18 sáýirde ketedi. Al tórt kúnnen keıin ata-anasy ulynyń qaıtys bolǵany týraly qaraly habar alǵan.
mekenindegi 30212 áskerı bólimine shaqyrylady. Alaıda kóp uzamaı jas jigit gospıtalda kóz jumǵan.
Qorǵanys mınıstrligi taratqan resmı aqparda sarbazdyń tańǵy sapqa turý kezinde esinen tanyp qulaǵany týraly aıtylady. «2022 jyldyń 22 sáýirinde Gvardeısk áskerı qalashyǵyndaǵy gospıtalda qatardaǵy jaýynger Qalbaı Álibek Salamatuly qaıtys boldy. Tańerteń sapta turǵan jaýynger kenetten esinen tanyp qalǵan. Áskerı qyzmetshige qajetti medısınalyq kómek kórsetilgenimen, ol esin jımaǵan kúıi qaıtys bolǵan.
Jas jigit bıyl kóktemde Mańǵystaý oblysynan merzimdi áskerı qyzmetke shaqyryldy. Sarbazdyń ólimine qatysty tekserý jumystary bastaldy. Qorǵanys mınıstrliginiń basshylyǵy men Qarýly Kúshterdiń jeke quramy Qalbaı Álibek Salamatulynyń týǵan-týystary men jaqyndaryna qaıǵyryp kóńil aıtady», delingen resmı habarlamada. Bul málimdemeni Álibektiń denesin týǵan aýylyna jetkizgen 30212 áskerı bólimniń qyzmetkerleri de qaıtalap otyr.
Osy bólimniń komandıri Almas Dospaev 22 sáýirde rota tańǵy astan kelgende kazarma aldynda sapqa turǵanyn aıtady. «Sol kezde Álibek eń sońǵy qatarda turǵan. Basy aınalyp, artqa qaraı qulap tústi. Alǵashqy dárigerlik kómek kórsetip, birden medsanbatqa alyp kettik. Basynyń neden aınalǵanyn bilmeımiz», deıdi komandır.
Alaıda, marqumnyń týystary Álibektiń ólimine kináliler bar ekenin aıtyp, olardyń zań aldynda jaýap berýin talap etip otyr. Mınıstrliktiń málimdemesine múlde senbeı otyrǵan sarbazdyń jaqyndary jas jigitti soqqyǵa jyqty dep sanaıdy. Týystarynyń aıtýynsha, Álibektiń áskerge barǵysy kelmegen. Biraq 13 sáýirde áskerge shaqyryp, medısınalyq tekseristen ótkizgennen keıin ony 18 sáýirde áskerı boryshyn óteýge jibergen. Álibektiń týysy Dınara Tilesova ony basynan birneshe ret urǵanyn, denesinde kógergen izderi baryn málimdegen. Tipti, áskerge barǵysy kelmegen jigitti 12-si kúni májbúrli túrde áskerge ketsin dep alyp ketip, «eger barmasań sottalasyń, bolmasa 3 mıllıon aıyppul tóleısiń» dep qorqytqanyn da aıtqan.
Qazir osy qaıǵyly oqıǵaǵa qatysty áskerı bólimde tekserý júrgizilip, sarbazdyń ólimi boıynsha tergeý sharalary bastaldy.
Nebári 18 jasynda ómiri úzilgen Álibektiń ajalyna kimder kináli? Áskerdegi bassyzdyq qashan toqtaıdy? Beıbit kúnde áke-sheshesine tabytpen oralǵan sarbazdar ólimi áskerde nege tyıylmaı tur? Qalbaı áýletindegi qaıǵyny estigen qoǵam qazir osy suraqtardy ótkir qoıyp júr. Al ásker qataryna endi ǵana qosylǵan Álibek ant ta qabyldap úlgermegen eken. «Qańtar qasireti» armııaǵa qatysty sansyz saýal týyndatyp edi. Elge qorǵan bolady degen áskerıler qatardaǵy sarbazdaryn qorǵaı almaı otyrǵanda, halyqty qalaı qorǵamaqshy? Búginginiń basty saýaly bul.