6 mamyr kúni Túrkistan qalasynda túrki memleketteriniń «Múftıler alqasy» májilisi men «Islam órkenıetiniń damýyna túrki halyqtarynyń qosqan úlesi» taqyrybynda halyqaralyq ǵylymı-tájirıbelik konferensııa ótedi, dep habarlaıdy Egemen.kz.
Halyqaralyq konferensııaǵa Túrki memleketteri uıymynyń Bas hatshysy Baǵdat Ámreev, Aqparat jáne qoǵamdyq damý mınıstri Asqar Omarov, Túrkistan oblysynyń ákimi О́mirzaq Shókeev, Halyqaralyq Túrki akademııasynyń prezıdenti Darhan Qydyráli, Túrki memleketteri uıymy Aqsaqaldar keńesiniń múshesi Ikram Adyrbekuly, Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly, Túrkııa Respýblıkasy Din isteri basqarmasynyń basshysy, Bas múftı Álı Erbash, Kavkaz musylmandary basqarmasynyń tóraǵasy, Bas múftı Allashúkir Pasha-Zade, Qyrǵyzstan musylmandary dinı basqarmasynyń tóraǵasy, Bas múftı Zamır Rakıev, О́zbekstan musylmandary basqarmasynyń birinshi orynbasary Hamıtjan Ishmatbekov, QMDB Ǵulamalar keńesiniń, Aqsaqaldar keńesiniń músheleri, ǵalymdar men oblys bas ımamdary qatysady.
Múftıler alqasy men halyqaralyq konferensııa maqsaty – túrkitildes elderdiń ortaq muralaryn dáripteý, Ahmet Iаsaýı babamyzdyń, sonymen qatar túrki dúnıesine ortaq Qorqyt ata, Iаsaýı, Máýlána, Náýáýı, Manas muralaryn nasıhattaý, Matýrıdı senim mektebi men Ábý Hanıfa mázhabyn halyqqa jetkizý, dinı oqý-aǵartý salasy boıynsha birlesken jobalardy júzege asyrý, jahandyq syn-qaterge jaýap berýde musylman úmbetiniń ózara yntymaǵyn arttyrý, dinı merekelerdi bir kúnde atap ótý, ortaq pátýalar qabyldaý, destrýktıvti dinı aǵymdardyń teris úgit-nasıhat jumystaryna jol bermeý.
Is-shara barysynda túrki memleketteri múftıleri Qoja Ahmet Iаsaýı kesenesin zııarat etip, babalar rýhyna 100 Quran hatym duǵasyn jasaıdy.