5 mamyrda О́zbekstan shekarashylary Qyrǵyzstannyń úsh azamatyna qarsy qarý qoldanǵan, dep habarlaıdy Egemen.kz 24.kg aqparattyq agenttigine silteme jasap.
Oqıǵa Djalal-Abad oblysy Ala-Býka aýdany Aktam aýyldyq ákimshiligine qarasty Dobo-Korgon eldi mekeninde bolǵan. Úsh qyrǵyzstandyq oq jaraqatyn alyp, Ala-Býka aýdanyndaǵy aýrýhanaǵa jetkizilgen. Sol jerde olar esin jımastan qaza bolǵan.
«Oqıǵanyń mán-jaıyn anyqtaý úshin Ala-Býka baǵyty boıynsha Qyrǵyz Respýblıkasynyń shekara ókili О́zbekstannyń Iаngı-Kýrgan baǵyty boıynsha shekara ókilimen kezdesý ótkizdi. Taraptar qyzmettik tekseris qorytyndysy boıynsha kezdesýdi 6 mamyrda jalǵastyrýǵa kelisti. Derek boıynsha tergeý amaldary bastaldy», dedi Qyrǵyzstan Memlekettik ulttyq qaýipsizdik komıtetiniń Shekara qyzmeti ókilderi.