Qaraǵandy oblystyq Polısııa departamentiniń bastyǵy Erlan Faızýllın Memleket basshysynyń «Joǵary áskerı jáne arnaıy ataqtar, synyptyq shender jáne biliktilik synyptaryn berý týraly» Jarlyǵy boıynsha general-maıor shenin aldy, dep jazady Egemen.kz.
Erlan Jumaseıituly Faızýllın Qaraǵandy oblysy boıynsha Polısııa departamentindegi qyzmetin basshynyń birinshi orynbasary bolyp 2018 jyldan bastaǵan. Al 2019 jyldyń mamyr aıynan beri ol Qaraǵandy oblystyq Polısııa departamentin basqaryp keledi.
Saltanatty rásimge qatysýshylardy Otan qorǵaýshy kúnimen jáne Jeńis meıramymen quttyqtaǵan Prezıdent Qasym-Jomart Toqaev elimizdiń qaýipsizdigin qamtamasyz etý isinde áskerı qyzmetshiler men arnaýly memlekettik organdar qyzmetkerleriniń qosyp júrgen úlesteriniń mol ekendigin erekshe atap ótti.