Bıylǵy konteınerlik tasymaldar ótken jylǵa qaraǵanda eki esege óspek. Bul týraly Ankarada ótken «Transkaspıı halyqaralyq kólik baǵdary» halyqaralyq qaýymdastyǵy Jalpy jıynynyń (Middle sorridor) májilisinde aıtyldy, dep habarlaıdy Egemen.kz.
«Qazaqstan temir joly» kompanııasynyń habarlaýynsha, bıyl konteınerlik tasymaldar ótken jylǵa qaraǵanda eki ese ósip, 50 myń JFE deıin jetedi dep josparlanyp otyr. Sonymen qatar jalpy tasymal alty esege - 3,2 mln tonnaǵa deıin artady degen boljam bar.
Aıta ketsek, 2022 jyldyń tórt aıynda Transkaspıı halyqaralyq kólik baǵyty boıynsha 733 myń tonna júk tasymaldanǵan. Bul - 5 myńnan astam vagon ary-beri ótip, 10 myń JFE konteınerlerdi dittegen jerine jetkizdi degen sóz.
Transkaspıı halyqaralyq kólik baǵyty (THKB) Qytaı, Qazaqstan, Kaspıı teńizi akvatorııasy, Ázerbaıjan, Grýzııa, Túrkııa jáne Qara teńizi arqyly Eýropa elderine ótedi.