Jambyl oblysynda sheteldik azamattar mingen avtobýs jol apatyna ushyrady, dep habarlaıdy Egemen.kz tengrinews.kz-ke silteme jasap.
Oqıǵa 12 mamyrda Jýaly aýdany Baýyrjan Momyshuly aýylynan alty shaqyrym jerde Batys Eýropa-Batys Qytaı tasjolynda bolǵan.
Aldyn ala málimet boıynsha, avtobýs júrgizýshisi rólge ıe bola almaı, jolda kele jatqan traktor tirkemesimen soqtyǵysqan. Júrgizýshiniń kómekshisi men jolaýshy qaıtys boldy. 48 adam dáriger kómegine júginip, 16 adam aýrýhanaǵa jatqyzylǵan jáne tórteýi jansaqtaý bóliminde jatyr.
Oblysta avtobýsta bolǵandardyń týystary men jaqyndaryna kómek kórsetý úshin senim telefony ashyldy. Jedel jeli telefondary: 8 (7262) 51-35-75, 51-41-67.
Avtobýs О́zbekstannan Almatyǵa baǵyt alǵan. Avtobýsta 53 adam bolǵan. Bári О́zbekstan azamaty. Oqıǵa kezinde avtobýsta segiz gaz ballony bolǵan. Abyroı bolǵanda eshqaısysy jarylmaǵan.
Aıana Toǵanbek