Aqtaýda Kásipodaqtar federasııasynyń qoldaýymen jáne «Mańǵystaý oblystyq kásipodaqtar ortalyǵy» aýmaqtyq kásipodaqtar birlestiginiń uıymdastyrýymen Konstıtýsııaǵa engiziletin ózgerister men tolyqtyrýlardy túsindirý maqsatynda kezdesý ótti. Kezdesýge Mańǵystaý oblysynyń munaı servıstik kásiporyndarynyń jumys berýshileri men jumyskerleri onlaın formatta qatysty.
Otyrysqa munaı servıstik kásiporyndardyń basshylary men ókilderi, sondaı-aq salalyq kásipodaqtardyń aýmaqtyq qurylymdarynyń tóraǵalary, «Tatýlasý ortalyǵynyń», «Zań klınıkasynyń» qyzmetkerleri qatysty.
Respýblıkalyq shtabtyń jetekshisi, Kásipodaqtar federasııasy tóraǵasynyń orynbasary Nurlan О́teshev Qazaqstannyń júıeli transformasııasyna yqpal etetin saıası reformalardyń ózektiligine toqtaldy. Sondaı-aq ol «Qazaqstan Respýblıkasynyń Konstıtýsııasyna ózgerister men tolyqtyrýlar engizý týraly» zań normalaryn túsindirip ótti.
Ashyq dıalog formatynda ótken kezdesýde kásipodaq músheleri ózderin tolǵandyryp júrgen ózekti máselelerdi ortaǵa saldy. Máselen, «О́zenMunaıServıs» JShS jergilikti kásipodaǵynyń tóraǵasy Salamat Serikov osyndaı kezdesýlerdiń mańyzdylyǵyn atap ótip, úılestirý máselelerine erekshe nazar aýdarý qajettigin jetkizdi. Al «Caspibitum BK JShS jumyskerleriniń jergilikti kásipodaǵy» QB tóraǵasy Ashat Ýrısbaev aldaǵy ózgeristerdiń barlyǵy eńbek adamynyń múddesin qorǵaýǵa, qarapaıym eńbekkerlerdiń áleýetin jaqsartýǵa arnalatynyna senim bildirdi.
Nurlan О́teshev kezdesýde kásipodaq músheleriniń kókeıinde júrgen kóptegen másele kórinis tapqanyn jetkizdi. Sóz sońynda federasııa tóraǵasynyń orynbasary aldaǵy zańnamalyq ózgeristerdi aqparattyq-túsindirý jumystaryn júrgizýde kásipodaqtardyń qyzmetin úılestirýdiń mańyzdylyǵyn atap ótti.
О́z kezeginde qatysýshylar Ata Zańǵa ózgerister engizý boıynsha respýblıkalyq referendým ótkizý Jańa Qazaqstandy qurý jolyndaǵy mańyzdy qadam bolyp tabylatynyn jáne eńbek ujymdary arasynda túsindirý jumystaryn belsendi júrgizýdiń qajettiligin aıtty.
Mańǵystaý oblysy