Oralda jolaýshylar poıyzy er adamdy qaǵyp ketti, dep habarlaıdy Egemen.kz.
IIM Kóliktegi polısııa departamentiniń baspasóz qyzmetinen málim etkendeı, oqıǵa Jelaev-Oral ótkeliniń 126-shaqyrymynda boldy. Er adam oqıǵa ornynda sol boıda kóz jumdy.
«28 mamyr kúni atalǵan derek boıynsha Oral stansııasyndaǵy jelilik polısııa bóliminde QK 344-baby 2-bóligine (abaısyzda adam ólimine ákep soqqan temirjol kóligi qozǵalysynyń qaýipsizdik qaǵıdalaryn buzý) sáıkes sotqa deıingi tergeý amaldary bastaldy. Qazirgi kezde qajetti tergeý amaldary júrgizilýde. О́zge aqparat Qylmystyq is júrgizý kodeksiniń 201-babynyń talaptaryna sáıkes tergeý múddesine oraı jarııalaýǵa jatpaıdy», dep habarlady vedomstvodan.
BQO densaýlyq saqtaý basqarmasynyń baspasóz qyzmeti jedel járdemge shaqyrtýdyń saǵat 09.50-de túskenin jetkizdi.