Búgin Ortalyq saılaý komıssııasynyń otyrysynda saılaý ýchaskeleriniń referendýmǵa daıyndyǵy týraly esep berildi, dep habarlaıdy Egemen.kz.
«Áriptesterimizdiń aqparatyna sáıkes, ýchaskelik komıssııalar daýys berý kúnine daıyn. Bıýlletender ýchaskelerge jetkizildi jáne olardyń qaýipsizdigi qamtamasyz etildi», dep atap ótti OSK tóraǵasy Nurlan Ábdirov.
Sonymen qatar vedomstvo basshysy atap ótkendeı, azamattar esepten shyǵarý kýáligin alyp, basqa daýys berý ýchaskelerine áli de tirkelip jatyr.
«Árbir óńirdiń, oblystyń óz deregi bar. Degenmen, erteń keshki saǵat 18.00-ge deıin kýálik alýǵa bolady. Osy referendýmǵa daýys berý quqyǵy bar azamattarymyz daýys berý úshin ýchaskelerge júginip, esepten shyǵarý kýáligin alyp, ózderine yńǵaıly ýchaskede daýys bere alady. Ortalyq referendým komıssııasy, elimizdiń barlyq ókiletti organdary referendým jaıynda aqparattandyrý úshin bárin jasady. Sonymen qatar elektrondy júıeni paıdalanyp, tizimnen ózin tekserý múmkindigin berdi», dedi OSK tóraǵasy.