Nur-Sultan qalasynyń ákimi Altaı Kólginov Instagram paraqshasynda referendýmǵa qatysyp, daýys bergenin málim etti, dep habarlaıdy Egemen.kz elorda ákimdiginiń resmı saıtyna silteme jasap.
«Búgin tarıhı kún. El Konstıtýsııasyna ózgerister men tolyqtyrýlar engizý jónindegi jalpyhalyqtyq referendýmda daýys berdim. Osylaısha azamattyq paryzymdy oryndap, elimizdiń odan ári damýy úshin óz daýysymdy berdim. Búgin saılaý ýchaskelerinde jumys isteıtinderdiń bárine alǵys bildiremin», dep jazdy elorda ákimi.
Aıta keteıik, búgin elimizde Qazaqstan Respýblıkasynyń Konstıtýsııasyna túzetýler boıynsha jalpyulttyq referendým ótip jatyr.