Barlyq ýchaske tańerteń 7:00-de QR Memlekettik Ánuranymen ashyldy. Aımaq turǵyndary QR Konstıtýsııasyna ózgerister men tolyqtyrýlar engizý jónindegi referendýmǵa 20:00-ge deıin qatysa alady. Bul týraly Mańǵystaý oblysy ákimdiginiń baspasóz qyzmeti habarlady, dep jazady Egemen.kz.
Jumys babyna baılanysty saǵat 7:00-ge jetpeı kelip, referendým bastalǵan boıda daýys berip ketken turǵyndar da bar. Qyzmetkerleri saıası naýqanǵa qatysý úshin óńirdegi keıbir kásiporyndar jumys ýaqytyn ózgertken.
Mańǵystaý oblysy boıynsha referendýmǵa qatysatyn 405 662 azamat bolsa, onyń 148 979-i Aqtaý qalasynyń turǵyny.
Ýchaskege barǵan adam daýys berýshiler tiziminde joq bolyp shyqqan jaǵdaıda, sondaǵy qyzmet kórsetý ortalyǵyna júgine alady. Eskerte keteıik, oblystaǵy referendýmǵa osy óńirde tirkelgen azamattar ǵana qatysa alady.