Búgin Qostanaı oblysyndaǵy saılaý ýchaskeleriniń bári tańǵy saǵat 7.00-den bastap jumysqa kirisip ketti. Aımaqta oblystyq, qalalyq jáne aýdandyq referendým komıssııalaryna qaraıtyn 735 saılaý ýchaskesi jumys istep jatyr. Bul komıssııalardyń quramynda 4,5 myń adam bar. Oblystyq referendým komıssııasy tóraǵasynyń orynbasary Ásııa Dýanbaevanyń aıtýynsha, búgin oblystyń shamamen 550 myńnan astam turǵyny óz tańdaýyn jasaýy kerek, dep habarlaıdy Egemen.kz
Qostanaı qalasyndaǵy №10 orta mektepte ornalasqan saılaý ýchaskesine alǵashqylardyń biri bolyp Jumaǵalıevtar otbasy kelip daýys berdi. Saılaý ýchaskesiniń esigi ashylyp, elimizdiń Ánurany shyrqalyp bitken soń, erli-zaıypty zeınetkerler birden daýys berý jáshigine qaraı bettedi.
«Biz bala-shaǵamyzdyń, nemerelerimizdiń jarqyn bolashaǵy úshin daýys berdik. Biz Prezıdentti qurmetteımiz, óte bilikti basshy jáne erteńgi kún elimizdi jaqsy ózgerister kútip tur dep senemiz. Biz osy ýaqytqa deıin birde-bir saıası naýqannan tys qalǵan joqpyz», deıdi Júken Jumaǵalıev.
Daýys berýge birinshi bolyp kelgen zeınetkerlerge shaǵyn kádesyı jasaldy.
Atalmysh saılaý ýchaskesinde 2 662 turǵyn daýys berýshi tirkelgen.