Shanhaı Yntymaqtastyq Uıymynyń 17 baıqaýshysy Qazaqstanda ótip jatqan referendým barysynda 26 referendým ýchaskesine bardy, dep habarlaıdy Egemen.kz.
«Búgin tańerteń biz baqylaý jumysyn bastadyq jáne 5 topqa bólinip, 26 referendým ýchaskesine bardyq. Saılaýshylarmen jáne baqylaýshylarmen sóılestik. Referendýmnyń daıyndyq jumystary óte jaqsy uıymdastyrylǵan. Daýys berý prosesi de bir júıege keltirilgen. Saılaýshylarmen suhbattasý barysynda olardyń referendýmǵa degen qulshynysy men qyzyǵýshylyǵy bizdi tań qaldyrdy. Turǵyndar kóptep keldi dep aıta alamyz. Zańnamany buzý boıynsha eshqandaı oqıǵa tirkelgen joq jáne eshqandaı shaǵym nemese ótinish kelip túsken joq», dedi Shanhaı yntymaqtastyq uıymynyń bas hatshysy Chjan Mın Nur-Sultanda ótken baspasóz máslıhatynda.
Spıkerdiń aıtýynsha, referendýmǵa deıin ShYU baıqaýshylary Qazaqstannyń ortalyq referendým komıssııasynyń basshylarymen kezdesip, jan-jaqty pikir almasyp, daıyndyq jáne uıymdastyrý jumysynyń barysymen tanysqan.
«Qazir referendýmda daýys berý prosesi júrip jatyr, bizdiń mıssııa músheleri óz mindetterin atqarýda. Biz óz mıssııamyzdy jaýapty túrde oryndaımyz jáne jańa Qazaqstan men onyń halqynyń ıgi bolashaǵyna qolymyzdan kelgenshe úles qosamyz», dedi ShYU bas hatshysy.