Keshe Qasym-Jomart Toqaevtyń tóraǵalyq etýimen Parlament Senatynyń bıýro otyrysy boldy, dep habarlady Senattyń baspasóz qyzmeti.
Bıýro músheleri aldaǵy 24 sáýir kúni bolatyn Senat otyrysynyń kún tártibin qarady. Palata otyrysyna tórt máseleni shyǵarý josparlanyp otyr. Atap aıtqanda, senatorlar «Ruqsattar jáne habarlamalar týraly» jáne «Qazaqstan Respýblıkasynyń keıbir zańnamalyq aktilerine ruqsat berý júıesi máseleleri boıynsha ózgerister men tolyqtyrýlar engizý týraly» (birinshi oqylym) zań jobalaryn qaraıdy. Bul zań jobalaryn Memleket basshysy N.Nazarbaev shuǵyl qaraý qajettigi týraly aıtqan bolatyn.
Odan basqa, Senat jalpy otyrysta Qazaqstan men О́zbekstan arasyndaǵy strategııalyq áriptestik týraly shartty ratıfıkasııalaý týraly jáne Eýrazııa ekonomıkalyq qoǵamdastyǵyna múshe memleketterdiń eksporttyq baqylaýynyń biryńǵaı tártibi týraly kelisimniń kúshin joıý týraly zań jobalaryn qaraıdy.
Bas komıtetterdiń tóraǵalary palata otyrysynda zań jobalaryn qaraýǵa ázirlik barysy týraly habardar etti.
Senat bıýrosynda, sondaı-aq, Májiliste maquldanǵan birqatar zań jobalary bólindi.
Senattaǵy «О́ńir» depýtattyq tobynyń usynýy boıynsha bıýro Ońtústik Qazaqstan oblysyndaǵy qalalyq jáne aýdandyq máslıhattardyń birqatar depýtattaryn otandyq quqyqtyq júıeni jetildirýge baǵyttalǵan qyzmeti úshin Senattyń Qurmet gramotasymen marapattaý týraly qaýly etti.
Odan basqa, Q.Toqaev Senat Tóraǵasynyń orynbasary Qaırat Ishanovqa jáne Senat Apparatynyń basshysy Aleksandr Sýdınge TMD Parlamentaralyq Assambleıasynyń atynan «Dostastyq» ordenin tabys etti.
Bıýro otyrysynyń sońynda Senat Tóraǵasy joǵarǵy palatanyń depýtattary 28 sáýir men 5 mamyr aralyǵynda elimizdiń aımaqtaryna attanatynyn habarlady. Senatorlar saılaýshylarmen kezdesip, áleýmettik sala jáne ekonomıkanyń naqty sektorynyń kásiporyndarynda bolady jáne Parlamenttiń qazirgi kezdegi zań shyǵarý qyzmeti men Memleket basshysynyń jyl saıynǵy Joldaýynda alǵa qoıylǵan mindetterdi iske asyrý barysy týraly jurtshylyqty habardar etedi dep josparlanǵan.