Ázerbaıjanmen áskerı-tehnıkalyq yntymaqtastyq artady

Ázerbaıjanda resmı saparmen júrgen Qazaqstan Respýblıkasynyń Qorǵanys mınıstri Serik Ahmetov sol eldiń qorǵanys vedomstvosynyń basshysy Zakır Gasanovpen kezdesti. Kezdesý barysynda eki el arasyndaǵy áskerı-tehnıkalyq saladaǵy yntymaqtastyqty odan ári nyǵaıtý máseleleri talqylandy. S.Ahmetov qorǵa­nys salasyndaǵy ekijaqty ynty­maqtastyqty nyǵaı­tý qajettigin jáne onyń tek eki el úshin ǵana emes, aımaqtaǵy turaq­tylyq pen qaýipsizdikti nyǵaıtýǵa sep bolatynyn atap ótti. Qazaqstan Qorǵanys mınıstri ázerbaıjandyq áriptesin bıylǵy  22-25 mamyr aralyǵynda As­tanada ótetin úshinshi halyq­aralyq «KADEX-2014» qarý-jaraq jáne áskerı-tehnıkalyq múlik kórmesine qatysýǵa shaqyrdy. Ol, sondaı-aq, Z.Gasanovty ózine yńǵaıly ýaqytta Qazaqstanǵa resmı saparmen kelýge shaqyrdy. О́z kezeginde Ázerbaıjan qor­ǵa­nys vedomstvosynyń basshysy áskerı-tehnıkalyq saladaǵy yntymaqtastyqtyń úlken áleýetin jáne ony nyǵaıtý men keńeıtý úshin barlyq qajetti jaǵdaı jasalatynyn atap ótti. Budan keıin Qazaqstan Qor­ǵanys mınıstri Serik Ahmetov Ázerbaıjanǵa resmı sapary sheń­berinde Premer-Mınıstr Artýr Rası-Zademen kezdesti. Taraptar ekijaqty qazaq-ázerbaıjan, onyń ishinde áskerı-teh­nıkalyq saladaǵy qarym-qa­ty­nastardy odan ári nyǵaıtý máse­lelerin talqylady. Sol kúni S.Ahmetov Ázer­baı­jan Prezıdenti Ilham Álıev­pen kez­desti. Kezdesý barysynda S.Ahmetov Ázerbaıjan kóshbasshysyna Mem­leket basshysy Nursultan Nazar­baev­tyń sálemi men ıgi tilegin jetkizdi. «Egemen-aqparat».