Qazaqstan Konstıtýsııasyn reformalaý maqsatynda ótken jalpyhalyqtyq referendým barlyq talapqa saı uıymdastyryldy. Halyqtyń saıası naýqanǵa belsendilikpen qatysqanyn kóz kórdi. Ýchaskege kelýshilerdiń basym bóligi Prezıdent aıtqan Jańa Qazaqstan ıdeıasyn qoldaıtyny aıqyn ańǵarylyp turdy.
Jalpy alǵanda, TMD-dan kelgen baıqaýshylar 865 referendým ýchaskesinde bolyp, saıası naýqannyń ádil ótýin baqylady. Barlyq ýchaskede baıqaýshylardyń alańsyz jumys isteýi úshin qajetti jaǵdaı jasalǵanyn aıta ketken lázim.
Qazaqstan Prezıdenti Qasym-Jomart Toqaev konstıtýsııalyq reformany Parlamenttiń qoldaýymen qabyldaı salmaı, memlekettik mańyzdy máseleni el turǵyndaryn qatystyra otyryp sheshkendi jón dep tapty. Bul óte durys uıǵarym ekenine eshkimniń talasy joq. Eldegi qandaı másele halyqtyń qatysýymen sheshimin tapsa, odan eshkim utylmaıtyny daýsyz. Al halyq saıası reformany qoldap daýys berdi. Munyń ózi Prezıdent Toqaevtyń durys saıasat júrgizip otyrǵanyn aıqyndaı túsedi.
Qoryta aıtatyn bolsaq, bizdiń baıqaýshylar qatysqan ýchaskelerde eshqandaı zań buzýshylyq tirkelgen joq. Halyq kúni boıy kelip, óz daýysyn berip jatty. Ýchaskelerdegi komıssııa músheleri de barlyq zań talabyna saı jumys istedi. Qandaı da bir referendým ýchaskesinde túsinispeýshilikter týyndamaǵany bizdi de qýantty.
Leonıd ANFIMOV,
TMD baıqaýshylar mıssııasynyń tóraǵasy