Aqtóbe oblysynda jol-kólik oqıǵasy saldarynan tórt adam qaza tapty. Bul týraly óńirlik polısııa departamenti habarlady, dep jazady Egemen.kz.
Apat Aqtóbe – Orsk tasjolynda bolǵan. Aldyn ala málimet boıynsha, Opel markaly kóliktiń júrgizýshisi qarsy baǵytqa shyǵyp ketip, DAF júk kóligimen soqtyǵysqan.
«Jol-kólik oqıǵasy saldarynan jeńil kóliktiń júrgizýshisi men úsh jolaýshysy oqıǵa ornynda kóz jumdy. Qazirgi ýaqytta oqıǵa ornynda tergeý-jedel toby jumys istep jatyr, bolǵan jaǵdaıdyń barlyq mán-jaıy men sebepteri anyqtaldy», delingen habarlamada.
Jol-kólik oqıǵasy faktisi boıynsha tergeý bastaldy.
Aıta keteıik, 6 aqpanda Astanada qalyń qar men kóktaıǵaq saldarynan 45 jol-kólik oqıǵasy tirkelgen edi.