PETROPAVL. 22 sáýir. Soltústik Qazaqstan oblysynyń jas ónerpazdary Reseıdiń Sankt-Peterbýrg qalasynda ótken XVII «Prazdnık detstva» halyqaralyq festıvalinen tabysty oraldy. Bul týraly egemen.kz tilshisi habarlady.
Balalar men jetkinshikter shyǵarmashylyǵyna arnalǵan dúbirli baıqaýǵa álem elderinen kelgen myńnan asa jas ónerpaz qatysty. Soltústik Qazaqstan oblysynyń jas óner ıelerinen quralǵan Qazaqstan delegasııasy sapyndaǵy bes ánshi, skrıpka men fortepıanoda oınaýshylar ónerleri qazylar alqasy tarapynan joǵary baǵa aldy. Skrıpka boıynsha «LORD» mektep-lıseıiniń 7-synyp oqýshysy Kámıla Zikirına birinshi oryndy jeńip alsa, №1 qalalyq jalpy bilim beretin lıseıdiń 3-synyp oqýshysy Aızere Malǵajdarova fortepıanodan ekinshi oryndy ıelendi. Bes ánshiniń úsheýi júldeger atandy. Olardyń oryndaýyndaǵy «Anaǵa sálem» ánine zaldaǵylar dúrkirete qol soqty.
О́mir Esqalı.
Derekkóz: egemen.kz.
Foto: vk.com.