ASTANA. 22 sáýir. Búgin Máskeýde Kaspıı mańy elderiniń Syrtqy ister mınıstrleri konferensııa ótkizdi. Bul týraly Bakupost.az habarlady.
«Kezdesýde bıylǵy jyldyń kúzinde Astrahanda ótetin Kaspıı sammıtiniń daıyndyq barysyna basa nazar aýdarylady. Mınıstrler aldaǵy sammıttiń baǵdarlamasy men kún tártibin, sondaı-aq onyń qorytyndy qujattarynyń jobalaryn talqylady», – delingen Reseı Federasııasy Syrtqy ister mınıstrliginiń resmı saıtynda.
Konferensııaǵa Reseı, Qazaqstan, Ázerbaıjan, Iran jáne Túrkimenstan Syrtqy ister mınıstrleri qatysty. Olar 2010 jyly Bakýde ótken Kaspıı sammıtinen keıingi mamandardyń atqarǵan jumysyn talqylady.
«Reseı Kaspıı teńizine qatysty barlyq kelisimderde kórsetilgen sharttardy qatań saqtaıdy. Sonymen qatar, Kaspıı mańy elderiniń arasyndaǵy dıalogty» damytýdy qoldap, Máskeýdegi konferensııanyń sátti ótýine úlken mán beredi», – dep málimdedi Reseıdiń syrtqy ister mınıstrligi.
Aıdar О́risbaev.
Derekkóz: Bakupost.az.
Foto: On.kz.