Ońtústikte eginge oraq tústi

Egin oraǵyn alǵashqylardyń biri bolyp Darbaza aýyldyq okrýgindegi dıqandar bastady. Oraq naýqanyna 50 kombaın men 100-ge jýyq júk kóligi qatysýda. Aýdan dıqandary jyldaǵydaı bıyl da astyqtan mol ónim jı­naýdan úmitti. Árıne buǵan sharýashylyqtarǵa jasalǵan jeńildikter oń yqpal etýde. Sonymen qatar olarǵa lızıng negizinde tehnıka berilgen. Ja­nar-jaǵarmaı, qajetti ból­shektermen, mıneraldy tyńaıt­qyshtarmen qamtamasyz etý má­selesi de jyl saıyn jaqsaryp keledi. Bıyl aýdan boıynsha 44,9 myń gektar jerge masaqty daqyldar egilse, onyń ishinde bıdaı – 33,4 myń gektar, arpa – 7 myń, júgeri – 4,5 myń gektar. Jalpy, bıyl oblysta aýyl sharýashylyǵy daqyldary josparlanǵan 851 myń gektarǵa tolyq egilgen. Egis alqaptaryn árta­raptandyrý sheńberinde mal azyqtyq daqyldardyń kólemi 5,5 myń gektarǵa artyp, 227,5 myń gektarǵa ornalastyryldy. Sondaı-aq dándi daqyldar – 298,2 myń gektarǵa, dándik jú­geri – 44,5 myń, bıdaı –201,2 myń gektarǵa egildi. О́ńirde mal azyq­tyq daqyldyń 2 jyldyq qoryn jasaqtaýǵa erekshe mán berilýde.

«Byltyrǵydaı kúrdeli jaǵ­daı qaıtalanbaýǵa tıis. Mal azyǵyn ázirleýge, jınaýǵa basa nazar aýdaryńyzdar. Bı­yl 2 jylǵa je­tetin qor ja­saq­taý qajet. Aýa raıynyń jań­byr­ly ári shóp­tiń mol bolýy qo­laıly bolyp tur. Jemshóp­tiń baǵasy da byl­tyr­ǵydan arzandady. Osy máse­leni to­lyq qadaǵalap, monıtorıng júr­gizip otyryńyzdar», dedi oblys áki­mi О́mirzaq Shókeev aptalyq ap­parattyq májiliste.

Aýyl sharýashylyǵy bas­qar­masynyń basshysy Nur­­bek

Badyraqovtyń aıtýyna qa­raǵanda, bıylǵy egis naýqanyna 12,2 myńnan astam aýyl sha­rýa­shylyǵy tehnıkasy tar­tylǵan. «Agrarlyq nesıe kor­porasııasy» AQ tarapynan dala jumystaryna 1 672 agro­qurylymǵa 5,3 mlrd teńge nesıe berilgen. Kóktemgi egis jáne dala jumystaryn júrgizý úshin oblysta tómendetilgen baǵamen 47,9 myń tonna dızel otyny bólinip, bosatyldy. Oblysta 475 túrli mıneraldy tyńaıtqysh qunynyń

50%-yn sýbsıdııalaýǵa 6 mlrd teńge qarjy bólingen, 319 myń gektar egistik alqap tyńaıtylady. Bıyl oblysta mal basynyń artýyna baılanysty qysqa 4,1 mln tonna mal azyǵynyń qajettiligi aı­tylýda. Bul oraıda búginde 0,5 mln tonna mal azyǵy daıyndaldy. Egilgen egis kóleminen 645 myń ton­na mal azyǵyn jınaý kóz­delýde.

Aıta ketelik, óńirde egistik alqap basynan syǵymdalǵan tabıǵı shópter býmasy 350-400, jońyshqa 500-700 teńge ara­lyǵynda satylyp jatyr. «Azyq-túlik kelisimshart korpora­sııa­sy» AQ arqyly oblysqa bó­lingen 34,4 myń tonna bıdaı­dan alynatyn 9,3 myń tonna kebek agroqurylymdarǵa arzan­da­tylǵan baǵamen, ıaǵnı kılosy 65 teńgeden satylýda. Búginde 334 agroqurylymǵa 540 tonna kebek bosatylǵan.

Túrkistan oblysy