Sınoptıkter 19 maýsym kúni el aýmaǵynyń basym bóliginde atmosferalyq fronttardyń áserinen turaqsyz aýa raıy saqtalatynyn aıtty, dep habarlaıdy Egemen.kz.
Osyǵan baılanysty elimizdiń ońtústik-shyǵysynda jańbyr jaýady. Sondaı-aq burshaq pen daýyl bolýy múmkin.
Elimizdiń batysynda, soltústik-shyǵysynda jalpy jaýyn-shashyn jaýmaıdy. Respýblıka boıynsha jel kúsheıip, ońtústikte shańdy daýyl soǵady.
Kúndiz Jambyl oblysynyń taýly aýdandarynda naızaǵaı, burshaq, daýyl bolady. Kúndiz oblystyń ońtústik-batysynda, soltústik-shyǵysynda, taýly aýdandarynda jel 15-20 m/s deıin kúsheıedi.
Tańerteń jáne kúndiz Túrkistan oblysynyń batysynda, ońtústiginde, taýly jáne taý bókteri aýdandarynda naızaǵaı oınap, daýyl soǵady. Oblystyń soltústiginde, batysynda shańdy daýyl bolýy yqtımal. Al oblystyń soltústiginde, batysynda, taýly aýdandarynda jel ekpini - 15-20 m/s.
Kúndiz Qyzylorda oblysynyń soltústiginde kún kúrkireıdi, oblystyń ortalyǵynda jel 15-20 m/s jetedi. Shyǵys Qazaqstan oblysynyń soltústiginde, shyǵysynda naızaǵaı jarqyldaıdy, jel qarqyny - 15-20 m/s.
Kúndiz Qaraǵandy oblysynyń batysynda, soltústiginde, shyǵysynda naızaǵaı oınaıdy, oblystyń ońtústiginde jel 15-20 m/s deıin kúsheıedi.
Soltústik Qazaqstan oblysynyń kúndiz ońtústiginde, batysynda naızaǵaı, burshaq, túnde jáne tańerteń oblystyń batysynda tuman bolady. Kúndiz oblystyń batysynda jel ekpini - 15-20 m/s.
Qostanaı oblysynyń batysynda, soltústiginde naızaǵaı, burshaq, daýyl soqsa, jel jyldamdyǵy 15-20 m/s jetedi.
Aqtóbe, Mańǵystaý oblystarynyń soltústiginde, shyǵysynda kún kúrkireıdi, jel qarqyny 15-20 m/s deıin kúsheıedi.
Kúndiz Batys Qazaqstan oblysynyń soltústiginde naızaǵaı oınap, burshaq jaýady, daýyl bolýy da múmkin, jel ekpini - 15-20 m/s.
Túnde Aqmola oblysynyń batysynda, kúndiz soltústiginde, batysynda, shyǵysynda naızaǵaı jarqyldaıdy, kúndiz oblystyń soltústiginde, batysynda, shyǵysynda jeldiń kúshi 15-20 m/s jetedi. Kúndiz Qostanaı, Qaraǵandy oblystarynyń ońtústiginde, Jambyl oblysynyń soltústiginde aptap ystyq bolady.
Qyzylorda oblysynda, Shyǵys Qazaqstan, Almaty oblystarynyń batysynda, Aqtóbe oblysynyń ońtústiginde, shyǵysynda, Atyraý oblysynyń batysynda, Qaraǵandy oblysynyń batysynda, shyǵysynda, Túrkistan oblysynyń ońtústik-shyǵysynda, Jambyl oblysynyń ortalyǵynda tótenshe órt qaýpi saqtalady.