Keshe Qyrǵyz Respýblıkasynyń ýaqytsha úkimeti Qyrǵyzstan ýaqytsha úkimetiniń tóraıymy Roza Otýnbaevanyń málimdemesin taratty. Onda bylaı delinedi:
“Qazaqstannyń Qyrǵyzstanmen shekarasy Prezıdent Nursultan Nazarbaevtyń saıası erik-jigeriniń arqasynda ashyldy. Endi Qyrǵyzstannyń ekonomıkasy qaıta silkinip, saýda aǵyny jańǵyrady. Biz belgilengen ekonomıkalyq parametrlerge shyǵýdy josparlap otyrmyz. Halyqaralyq uıymdar ókilderiniń bizderdi qazirgi kem-ketikterdi jabý úshin qarjy jaǵynan jan-jaqty qoldaýǵa daıyn ekendikterine sendirgeni atap ótýge turarlyq”, dep habarlady QR SIM-iniń baspasóz qyzmeti.