Batys Qazaqstan oblysynyń qutqarýshylary er adam men balany tikushaqpen izdestirip jatyr, dep habarlaıdy Egemen.kz.
BQO TJ departamenti baspasóz qyzmetiniń málimetinshe, oqıǵa 22 maýsym kúni Shalqar kólinde bolǵan. Úrlenetin matrasta otyrǵan 8 jastaǵy balany jel kóldiń ortasyna alyp ketken. Ony qutqaramyn dep 1957 jylǵy atasy umtylǵan.
Atasy men nemeresin izdeýge Shalqar kólindegi qutqarý beketinen 5 adam bir qaıyqpen shyqqan, biraq bul nátıje bermegen.
«Sodan keıin izdestirý jumystaryna «QazAvıaQutqarý» AQ ushaǵy qosyldy. Saǵat 23.00-de er adamdy qutqarýshylar men týystary tapty, jaǵdaıy qanaǵattanarlyq. Balany izdestirý jumystary jalǵasyp jatyr», delingen habarlamada.