Aqtóbedegi Zııatkerlik mektep oqýshysy Arman Jalǵasbaev Caspian Startup-2022 halyqaralyq startap baıqaýynda jeńimpaz atandy.
Aqtaý qalasynda ótken baıqaýǵa elimiz oqýshylarynan ózge Ázerbaıjan, О́zbekstan, Túrikmenstannan 120-dan astam joba kelip tústi. Olardyń barlyǵy tabysty startaptardy qurýǵa jáne ilgeriletýge, sondaı-aq startap mádenıetin qalyptastyrýǵa, ınvestorlar tartýǵa, zııatkerlik menshikti qorǵaýǵa baǵyttalǵan.
Dioth.tech jobasyn qorǵap, jeńiske jetken Arman Jalǵasbaev Qazaqstan-Brıtan tehnıkalyq ýnıversıtetiniń grantyn ıelendi. Mektep qabyrǵasynda respýblıkalyq ǵylymı jobalar baıqaýy men fızıka páni boıynsha jelilik olımpıadalardyń birneshe dúrkin jeńimpazy bolǵan Arman bıyl Aqtóbedegi NIS-tiń úzdik oqýshysy atandy.
Taýardyń túpnusqalyǵyn tekseretin smart japsyrma boıynsha Armannyń jańa startapy kez kelgen brendke óz ónimderiniń biregeıligin anyqtaýǵa kómektesip, tutynýshymen jedel baılanys ornatýǵa múmkindik beredi. «Endi taýardyń túpnusqalyǵyn kóp kúsh jumsamaı-aq birneshe sekýndta tekserýge bolady.
Oqýshy bul máseleniń ekologııalyq jaǵy bar ekendigin de jetkizdi. О́ıtkeni jahandyq shyǵaryndylardyń 8 paıyzy kıim óndirisiniń qaldyqtarynan túziledi. О́ndiriletin kıimniń basym bóligi kontrafaktilik ekenin eskere otyryp, jalǵan buıymdardy jappaı óndirý máselesin sheshý planetamyzdy kómirteginiń úlken shyǵaryndylarynan jáne aýanyń lastanýynan qutqara alady. Aıta ketý kerek, 2020 jyly sán ındýstrııasy jalǵan taýarlardy satý saldarynan 50 mıllıard dollardan astam shyǵynǵa ushyrady.
Caspian Startup-2022 baıqaýynda «Bolashaqtyń mektebi», «Áleýmettik máselelerdi sheshý», «Týrızm» baǵyttary boıynsha tabysty ómir súrýdi qamtamasyz etetin IT-startaptardy usyndy. Eń myqty avtorlar bıznes, bilim berý, medısına, IT jáne basqa da sala kásipqoılarynan iriktelgen bedeldi qazylar alqasynyń aldynda óz jobalaryn qorǵady.
Aqtóbe oblysy