«Qarjy ortalyǵy» AQ Ilgeriletý jáne syrtqy kommýnıkasııa departamentynyń dırektory Aınur Saǵyndyqovanyń aıtýynsha, elimizde 84 myńnan astam stýdent jataqhanaǵa muqtaj, dep habarlaıdy Egemen.kz.
Spıkerdiń aıtýynsha, 2018 jyldan bastap jekemenshik sektordyń aýqymdy qatysýyn kózdeıtin memlekettik tapsyrys tetigi daıarlandy.
«Biz ınvestorlar men jeke kásipkerlerdi memlekettiń qarjylyq qoldaýymen stýdenttik jataqhana qurylysyna qarjy salýǵa shaqyramyz. Bul jobaǵa áleýmettik nysandy salýshy retinde ǵana emes, tabysty jáne keleshegi mol bıznes joba retinde qaraǵan jón», dedi ol.
Jıynda almatylyq stýdentter jataqhanaǵa kóbirek muqtaj ekeni aıtyldy.
«Qazir elimiz boıynsha 84 myńnan astam stýdent jataqhanaǵa muqtaj. Onyń ishinde Almaty qalasynda 40 myńnan astam stýdentke jataqhana qajet. Sebebi joǵary oqý ornydarynyń basym bóligi Almatyda shoǵyrlanǵan. Aıta ketsek, bul bastamaǵa 152 mlrd teńge qarastyrylǵan», dep qosty Aınur Saǵyndyqova.