Jyl saıyn Densaýlyq saqtaý salasynda jańa ózgerister men bastamalar kóterilip, jolǵa qoıylyp keledi. Halyqtyń hal-ahýalyn jaqsartýǵa arnalǵan jobalar dittegen maqsatyna jetip, turǵyndardyń alǵysyn alýda. Bul rette jaqynda ǵana Densaýlyq saqtaý mınıstrligi el turǵyndaryn profılaktıkalyq tekserý qyzmetterin keńeıtý týraly buıryqty bekitti.
Mamandar aýyl halqyna medısınalyq qyzmetterdiń qoljetimdiligin jaqsartý maqsatynda zertteý túrleri men nysanaly toptardy keńeıtýge qatysty. Bul qalalyq jáne aýyldyq halyq arasynda medısınalyq qyzmetterdiń qoljetimdiligi bóliginde oryn alyp otyrǵan dısbalansty kezeń-kezeńimen teńestirýge, saqtandyrylmaǵan halyqty medısınalyq kómekpen kóbirek qamtýdy qamtamasyz etýge, tutastaı alǵanda, aýyl halqy arasynda aýrýlardyń aldyn alýǵa múmkindik beredi.
Osylaısha, aýyl turǵyndarynan profılaktıkalyq tekserýdi júrgizý úshin 18 jastan 29 jasqa deıingi jastardy keńinen qamtý kózdelgen. Aıta keter jaıt, buǵan deıin turǵyndar 30 jastan 70 jasqa deıingi skrınıngtik zertteýlermen qamtylmaǵan.
Aýyldyq jerlerde profılaktıkalyq tekserýler júrgizý úshin 4 nysanaly top jolǵa qoıyldy: «Jastar» 18 jastan 29 jasqa deıin, «Eńbek – 1» 30 jastan 44 jasqa deıin, «Eńbek – 2» 45 jastan 65 jasqa deıin jáne «Zeınetker» 66 jas jáne odan joǵary.
Aýyl turǵyndarynan asqazan-ishek joly, zár shyǵarý júıesi, eresek jastaǵy toptaǵy týberkýlez jáne qýyqasty bezi obyryn erte anyqtaý, aldyn alý qyzmetteri keńeıtildi. 18 jasqa deıingi balalardy profılaktıkalyq qarap-tekserýge uıymdastyrý maqsatynda osy jyly 1 jas, 3, 6 jáne 14 jas aralyǵyndaǵy balalarǵa nazar aýdara otyryp, zerthanalyq zertteýlerdiń qosymsha ádisterin qosyp, profılaktıkalyq qarap-tekserý paketterin odan ári ulǵaıtý josparlanýda.
Sonymen qatar densaýlyq saqtaý ortalyqtarynyń bazasynda jasóspirimder men jastar arasynda, onyń ishinde jynystyq jolmen beriletin aýrýlardyń, minez-qulyqtyq qaýipti faktorlarynyń, erte júktiliktiń, sýısıdterdiń, lýdomanııanyń jáne psıhıkalyq, reprodýktıvtik densaýlyqtyń basqa da buzylýynyń aldyn alý boıynsha profılaktıkalyq jumystar júrgiziledi.