– Uly Jeńistiń 65 jyldyǵy qurmetine efır arqyly qazaq jáne orys tilderinde arnaýly reportajdardy synaqtan sátti ótkizgen “Mańǵystaý” radıosy áýe tolqynyna shyqty. Araǵa alty jyl salyp aýyldardaǵy tyńdarmandardyń talap-tilekterine oraı ómirge kelgen ıgi shara oblys ákimi Q.Kósherbaevtyń tapsyrmasy men kómegi arqyly júzege asty, – dedi “Qazaqstan-Aqtaý” telearnasynyń dırektory Talǵat Taıshanov.
Sóıtip, “Mańǵystaý radıosy” qazaq radıosynyń FM 100,1 tolqyny arqyly aptanyń dúısenbi men juma aralyǵynda saǵat 15.00-den 17.00-ge deıin habar tarata bastady. Ázirge Aqtaýdan 100 shaqyrym jerge deıin jetetin oblystyń radıo habarlarynyń órisin keńeıtý aldaǵy kúnderdiń enshisindegi mańyzdy másele bolmaqshy.
Jolaman BOShALAQ, AQTAÝ.