Qazaqstannyń shahmatshy qyzdar quramasy Úndistannyń Chennaı qalasynda ótip jatqan olımpıadada osymen ekinshi márte jeńiske jetti, dep habarlaıdy Egemen.kz Vesti.kz saıtyna silteme jasap.
Ekinshi raýndta qazaq shahmatshy qyzdary 3-1 esebimen Belgııadan basym tústi. Bul jeńisti Bıbisara Asaýbaeva men Nazerke Nurǵalı ákeldi, al Jansaıa Ábdimálik pen Ksenııa Balabaeva óz matchyn teń aıaqtady.
Erler quramasy Tájikstannan jeńilip qaldy, esep - 1,5-2,5. Komandadaǵy jalǵyz jeńiske Qazybek Nógerbek qol jetkizdi. Arystanbek Orazaev teń tústi, al Álisher Súleımenov pen Murtas Qajyǵalıev qarsylasynan utyldy.