QYRǴYZSTAN ShEKARANYŃ AShYLǴANYNA QÝANYShTY

Elbasy Nursultan Nazarbaevtyń atyna Qyrǵyzstan ýaqytsha úkimetiniń tóraıymy Roza Otýnbaevadan hat kelip tústi, dep habarlaıdy “QazAqparat” agenttigi. Onda ol óz eliniń atynan Qazaqstan-Qyrǵyzstan shekarasyndaǵy úsh bekettiń ashylyp, olardaǵy ýaqytsha shekteýlerdiń alynyp tastalǵanyna rızashylyq bildirgen. Hatta Qyrǵyzstanda dostas kórshi memleket tarapy­nan ja­sal­ǵan bul qadamnyń jáne osyn­daı sheshim qa­byldaýdaǵy Qazaqstan Prezıdentiniń saıası erik-jigeri men parasattylyǵy joǵary baǵalanatyny atap ótilgen. Bul júz myńdaǵan qyrǵyz­standyqtar úshin mańyzdy da asyǵa kútilgen sheshim bolǵany atap aıtylǵan. Osy sheshimniń nátıjesinde bizdiń elderimizdiń arasyndaǵy saýda-ekonomı­ka­lyq qarym-qatynas jandanyp, óse túsetin bolady. Roza Otýnbaevanyń jazǵa­nyn­daı, Qyrǵyz­stan­nyń ýaqyt­sha úkimeti bizdiń týys­tas ha­lyqtary­myz­dyń ıgiligi jo­lynda Qazaqstan Respýb­lıka­sy­men odaqtastyq qa­rym-qaty­nastar men strate­gııalyq áriptestikti odan ári nyǵaıtýǵa óte qulyqty bolyp otyr.