Taraz qalasynyń ákimi Erjan Jylqybaev qyzmetinen ketti. Bul týraly ol óziniń Facebook paraqshasynda málimdedi, dep habarlaıdy Egemen.kz.
Erjan Jylqybaev bul qyzmetke 2021 jyldyń naýryzynda taǵaıyndalǵan.
«Senim artylǵan soń, elimizdiń kez kelgen óńirinde memlekettik saıasatty iske asyrý – árbir memlekettik qyzmetshiniń mindeti. Alaıda sol mindettiń bastalatyny sııaqty, aıaqtalatyn da kezeńi bolady. Ol – zańdylyq. Sondyqtan men ózimniń Jambyl jerindegi qyzmetimdi toqtatyp, taǵy bir ómir belesinen óttim», dep jazdy ol.
E.Jylqybaev 1982 jyly Ońtústik Qazaqstan oblysynda dúnıege kelgen. M. Áýezov atyndaǵy Ońtústik Qazaqstan memlekettik ýnıversıtetin, Prezıdent janyndaǵy Memlekettik basqarý akademııasyn, S. Amanjolov atyndaǵy Shyǵys Qazaqstan memlekettik ýnıversıtetin támamdaǵan.
Eńbek jolyn Ońtústik Qazaqstan oblysy Ekonomıka departamentiniń áleýmettik saıasat bóliminiń bas mamany retinde bastaǵan. Túrli jyldary Premer-Mınıstr Keńsesinde, Ekonomıka jáne bıýdjetti josparlaý mınıstrliginde, Shyǵys Qazaqstan oblysy ákimdiginiń apparatynda, Prezıdent Ákimshiliginde jumys istedi. 2016 jyldyń mamyr aıynan bastap 2019 jyldyń naýryz aıy aralyǵynda Almaty qalasynyń Medeý aýdanynyń ákimi laýazymynda bolǵan.