Jeńis kúni merekesiniń qarsańynda «QazTransGaz» aksıonerlik qoǵamy Aqmola oblysynda jáne óńir ortalyǵy Kókshetaý qalasynda turatyn Ekinshi dúnıejúzilik soǵys ardagerlerin quttyqtady. Kompanııanyń atynan 50 ardagerdiń árqaısysyna 50 myń teńgeden aqshalaı syılyq tabystaldy. Materıaldyq kómektiń jalpy kólemi 2,5 mıllıon teńgeni qurady.
«QazTransGaz» AQ bas dırektory Serik Sultanǵalıev ardagerlerdi quttyqtaý barysynda soǵystyń taýqymetin tartqan, qııamet aýyrtpalyq kórgen qarııalardyń jyl saıyn azaıyp bara jatqanyn, olardyń kópshiligi alys aýyldarda turatynyn, laıyqty kómek ala almaıtynyn aıta kelip, bıyl kompanııa basshylyǵy oblys jáne aýdan ortalyǵynda turatyn ardagerlerdi arnaıy quttyqtaýdy jón kórgenin jetkizdi. Ústimizdegi jyly «QazTransGaz» AQ kompanııasy atynan aqshalaı syılyqty 90 men 97 jas aralyǵyndaǵy qarııalar aldy. Mundaı shara jyl saıyn ótkizilip otyrady.
Aıta keteıik, «QazTransGaz» AQ 2000 jyly munaı-gaz salasynyń jumysyn júıeleý úshin qurylǵan kompanııa. Ol gaz barlaý, óndirý, tasymaldaý jáne bólýde aktıvterdi korporatıvti basqarý boıynsha áreketterdi júzege asyrady. 2012 jyldyń shildesinen bastap Úkimettiń sheshimimen «QazTransGaz» AQ gaz jáne gazben qamtý salasynda ulttyq operator retinde anyqtaldy.
Araılym BEKSEIITOVA.