Ishki ister mınıstri Marat Ahmetjanov Tashkenttegi ShYU-ǵa múshe memleketterdiń ishki ister jáne qoǵamdyq qaýipsizdik mınıstrleriniń keńesine qatysty. Bul týraly QR Ishki ister mınıstrliginiń ókili Shuǵyla Turlybek habarlady, dep jazady Egemen.kz.
«Qazaqstannyń ishki ister mınıstri óz sózinde uıymdasqan qylmysqa, esirtkiniń zańsyz aınalymyna jáne kıberqylmysqa qarsy birlesken kúresi boıynsha naqty usynystar aıtty. ShYU elderiniń mınıstrleri Marat Ahmetjanovtyń barlyq usynysyn qoldady. Atap aıtqanda, vedomstvo basshysy UQT-ny joıý, zańsyz maınıngke qarsy kúres jáne adam saýdasyna qarsy is-qımyl boıynsha qazaqstandyq tájirıbemen bólisti», dedi Sh.Turlybek.
Sonymen qatar Marat Ahmetjanov ShYU-ǵa múshe memleketterdiń esirtkige qarsy strategııasy aıasynda qabyldanǵan sharalar týraly aıtyp berdi.
«Sońǵy bir jarym jyl ishinde sıntetıkalyq esirtki óndiretin 40 esirtki zerthanasy joıyldy. Ulttyq baqylaýda esirtkiniń myńnan astam jańa túri tur. Internettegi jarnama aýyr jáne asa aýyr qylmystar sanatyna jatqyzyldy», dep qosty Shuǵyla Turlybek.