QR Prezıdenti janyndaǵy Ortalyq kommýnıkasııalar qyzmetiniń brıfınginde Respýblıkalyq psıhıkalyq densaýlyq ǵylymı-praktıkalyq ortalyǵynyń dırektory jáne QR Densaýlyq saqtaý mınıstrliginiń shtattan tys bas psıhıatr-narkology Qýanysh Altynbekov Qazaqstanda psıhıkalyq densaýlyq qyzmetiniń baılanys ortalyǵyn qurý boıynsha jumys júrgizilip jatqanyn habarlady, dep jazady Egemen.kz. Densaýlyq saqtaý mınıstrliginiń baspasóz qyzmetine silteme jasap.
Mınıstrlik málimetinshe, medısınalyq-áleýmettik kómekke muqtaj qazaqstandyqtarǵa konsýltasııalyq, psıhologııalyq qoldaý kórsetý maqsatynda biryńǵaı call-ortalyq iske qosylady.
«Halyq tolyq aqparatqa ıe bolmaǵandyqtan, ońaltý bólimsheleri jumys isteıtin jerde kómekti qalaı alýǵa bolady, bul bólimshelerge qalaı kirýge bolady degen suraqtarǵa jaýapty osy call-ortalyǵynan ala alady. Atalǵan call-ortalyq elimizdiń barlyq psıhıkalyq densaýlyq ortalyqtaryn biriktiredi», deıdi Respýblıkalyq psıhıkalyq densaýlyq ǵylymı-praktıkalyq ortalyǵynyń basshysy.
Biryńǵaı call-ortalyq barlyq aqparatty biriktirip, azamattarǵa tıisti kómek alýǵa kómektesedi.