Qaraǵandydaǵy áskerı bólimde merzimdi qyzmettegi áskerı qyzmetshi qaıtys boldy, dep habarlaıdy Egemen.kz.
Qaıǵyly oqıǵa Tótenshe jaǵdaılar mınıstrliginiń 52 859 áskerı bóliminde bolǵan.
«Sarbaz sapta ketip bara jatyp aıaq astynan qulaǵan, odan keıin júregi kenetten toqtaǵan. Medısınalyq beket dárigerleri oǵan dereý kómek kórsetti, jedel járdem qyzmetin shaqyrdy. Alaıda ony qutqara almady. Qaıtys bolǵan sarbaz 24 jasta bolatyn», dep jazylǵan habarlamada.
Boljam boıynsha, sarbaz ólimine pankreonekroz sebep bolýy múmkin.
«Áskerı qyzmetshiniń aty – Elsultan. Ol densaýlyǵyna shaǵymdanǵan emes. Jyl saıyn medısınalyq tekserýden ótip turdy. Bul – mindetti nárse. Bıyl 30 tamyz – 1 qyrkúıek aralyǵynda medısınalyq tekserýden ótýi tıis bolatyn. Sol kúni onyń kóńil kúıi jaqsy boldy, praktıkalyq sabaqtarǵa qatysty. О́z isiniń kásipqoı mamany edi, qyzmette joǵarylatý jospary bar bolatyn», dedi áskerı bólimniń komandıri Janat Omarov.
Qazir osy is boıynsha sot-medısınalyq saraptama taǵaıyndaldy.