«Birgemiz: Taza Alem» jalpyulttyq jobasy aıasynda eriktiler Qazaqstanda ekologııalyq aksııalardy uıymdastyrý, qorshaǵan ortany qorǵaý jáne kógaldandyrý bastamalaryn qolǵa alǵan, dep habarlaıdy Egemen.kz Azamattyq bastamalardy qoldaý ortalyǵynyń baspasóz qyzmetine silteme jasap.
«Birgemiz: Taza Álem» jobasynyń negizgi maqsaty – ekologııalyq máselelerdi sheshýde azamattardy eriktilik qyzmetke, qorshaǵan ortany qorǵaýǵa, ózender men ormandardy tazartýǵa, aǵash taldaryn otyrǵyzýǵa, qoqysty suryptaýǵa jáne ekologııalyq qaýipsizdikti saqtaýdy úıretýge tartý. Ol QR Aqparat jáne qoǵamdyq damý mınıstrliginiń jáne Azamattyq bastamalardy qoldaý ortalyǵynyń qoldaýymen júzege asyrylýda.
Jalpyulttyq joba sheńberinde ekologııa, onyń ishinde qorshaǵan ortany qorǵaý, ekologııalyq qaýipsizdik salasyndaǵy volonterlerdi daıarlaý jáne oqytý júrgiziledi. 2024 jyldyń sońyna deıin jalǵasatyn jobaǵa keminde 8 myń ekovolonter tartylmaq.
«Birgemiz: Taza Alem» jalpyulttyq jobasyn iske asyrý sheńberinde «Áleýmettik jobalar qory» KQ shaǵyn granttardy usyný jóninde konkýrs ótkizdi. Volonterlik bastamalar ekologııalyq mádenıetti qalyptastyrý jáne ekologııalyq problemalardy sheshýge qoǵamnyń nazaryn aýdarý, ózender men ormandardy tazartý, aǵash otyrǵyzý, qoqysty suryptaýǵa úıretý sııaqty baǵyttardy qamtıdy. Ár granttyń mólsheri 300 myń teńgeni quraıtynyn aıta ketý kerek.
«Bıyl shaǵyn granttar baıqaýyna 104 ótinim kelip tústi. Onyń ishinen táýelsiz komıssııa 30 úzdik jobany anyqtady. О́tinimderdiń basym bóligi Jambyl oblysynan kelip tústi. Qoǵam belsendileri qoǵamǵa qajetti kóptegen qyzyqty eko-bastamalardy usyndy. Eko-belsendilerdiń elimizdiń gúldenýine óz úlesterin qosqysy keletini qýantady», deıdi «Áleýmettik jobalar qory» KQ jetekshisi Erbol Keńgerbaev.
Máselen, «Jańaarqanyń isker áıelderi» QB óz jobasy arqyly Jańaarqa aýdanyna qarasty Yntymaq aýylynyń turǵyndary arasynda ekologııalyq mádenıet negizderin qalyptastyrýǵa baǵyttalǵan sharalardy uıymdastyrady. Bul joba jergilikti týrızmdi damytýǵa oń yqpal etedi.
Al «JASYL SAQŞY» jobasy elimizdiń iri megapolısi - Shymkentte iske asyrylady. Qalada qorshaǵan ortany qorǵaý salasynda profılaktıkalyq jáne áleýmettik jumystardy uıymdastyratyn eko-eriktiler pýly qurylady dep kútilýde.
Aıta ketsek, elorda belsendileri volonterlik bastamalardy iske asyrýǵa jáne ekologııalyq problemalardy sheshýge qoǵamnyń nazaryn aýdarýǵa baǵyttalǵan «EkoDobro» jobasyn bastady.