Jyl basynan beri «Býrabaı» memlekettik ulttyq tabıǵı parkinen 2 122 tekshe metr, ıaǵnı, 1 myń tonnadan astam qoqys shyǵaryldy, dep habarlaıdy Egemen.kz.
Ásirese, týrıster kóp keletin jaz maýsymynda Ulttyq parkte sanıtarlyq tazalaý jumysy qyza túsken. Máselen, kólderdiń jaǵalaýynan, adamdar kóp jınalatyn jerlerden maýsym aıynda 216 tonnaǵa jýyq, shildede 512 tonnadan artyq, tamyzda 301 tonnadan astam qoqys jınalǵan.
– Sanıtarlyq tazartý jumysy kún saıyn júrgiziledi. Jumys kúni qoqys úsh ret, demalys pen mereke kúnderi tórt ret shyǵarylady, – deıdi park dırektory Sergeı Bykov.
Ulttyq saıabaq aýmaǵyna qoqys jınaıtyn 60 konteıner qoıylǵan. Onyń 30-y Býrabaı kóliniń jaǵalaýynda. Odan bólek usaq qaldyqtardy salatyn 100 jáshik bar. Kýrortta barlyǵy 31 qoǵamdyq sanıtarııalyq torap jumys istep tur.