Elordalyq Memlekettik kirister departamenti (MKD) qala turǵyndaryna 2021 jylǵa jeke tulǵalardan múlik jáne jer salyǵyn merziminde tóleý qajettigin eskertti. Sondaı-aq, memlekettik qyzmetshiler kiristeri men múlki týraly deklarasııany ýaqytynda tapsyrýy kerek, dep habarlaıdy Egemen.kz qala ákimdiginiń resmı saıtyna silteme jasap.
Máselen, múlik pen jer salyǵyn tóleý merzimi aǵymdaǵy jyldyń 1 qazanynda aıaqtalady. Tólemdi Memlekettik kirister komıtetiniń e-Salyq Azamat mobıldi qosymshasy arqyly (App Store jáne Play Market júkteýge bolady) nemese mobıldi banktik qosymshalar arqyly jasaýǵa bolady.
Múlik jáne jer salyqtary boıynsha bereshekti QR QM MKK saıtynda tekserýge bolady (kgd.gov.kz), elektrondyq úkimet portalynda (EÚP) nemese E-Salyq Azamat mobıldi qosymshasy arqyly JSN engizý arqyly.
Sonymen qatar, Memlekettik kirister departamentinde 2022 jyldyń 15 qyrkúıegine deıin turǵylyqty jeri boıynsha Memlekettik kirister organyna kirister men múlik týraly deklarasııany (270.00 nysan) elektrondy túrde usyný merzimi týraly eske saldy. Mindetteme memlekettik qyzmetshiler men olardyń jubaılarynda, sondaı-aq olarǵa teńestirilgen adamdarda týyndaıdy.