Oqıǵa 12 qyrkúıek saǵat 9:30 shamasynda Doskeı jáne Kókpekti aýyldary arasyndaǵy aınalma jolda bolǵan, dep habarlaıdy Egemen.kz Qaraǵandy oblystyq PD baspasóz qyzmetine silteme jasap.
Joldyń JES ornalasqan tusynda 25 jastaǵy júrgizýshi basqarǵan «VAZ Nıva» kóligi men 47 jastaǵy júrgizýshi tizgindegen «Skanııa» júk kóligi soqtyǵysyp qalǵan.
«Oqıǵa saldarynan «VAZ Nıva» kóliginiń júrgizýshisi medısınalyq mekemege jetkizildi, osy kóliktiń 59 jastaǵy jolaýshysy oqıǵa ornynda kóz jumdy», dep jazylǵan oblystyq PD taratqan habarlamada.
Fakti polısııaǵa tirkelip, tıisti saraptamalar taǵaıyndaldy, onyń qorytyndysy boıynsha prosessýaldyq sheshim qabyldanady.