Ulytaý oblysynda 20-shy óńirdi belgileıtin memlekettik tirkeý nómirlik belgileri berile bastady, dep habarlaıdy Egemen.kz «Azamattarǵa arnalǵan úkimet» memlekettik korporasııasynyń baspasóz qyzmetine silteme jasap.
Júrgizýshiler jańa óńirdi belgileıtin kólik nómirlerin Jezqazǵan qalasynda ornalasqan Halyqqa qyzmet kórsetý ortalyǵynda ala alady.
«Azamattarǵa arnalǵan úkimet» memlekettik korporasııasy fılıalynyń málimetinshe, Ulytaý oblysynda jańa nómirlik belgilerdi tirkeý búgin, 23 qyrkúıekte bastaldy.
Jalpy óńirge jańa úlgidegi 200-ge jýyq memlekettik nómir kelip tústi.
Buryn Qaraǵandy oblysynyń memlekettik tirkeý nómirimen «09» saparǵa shyqqan oblys turǵyndary kólik quralyn tirkeý aýysqanǵa deıin eski nómirmen júrýdi jalǵastyrady.