Senator Álı Bektaevtyń tóraǵalyǵymen Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń keńeıtilgen otyrysy ótti, dep habarlaıdy Egemen.kz.
Onda senatorlar «Jahandyq jasyl ósý ınstıtýtyn qurý týraly kelisimdi ratıfıkasııalaý týraly» zań jobasyn qarady.
Zań jobasynyń negizgi maqsaty - ekonomıkalyq ósýdiń jańa úlgisin ázirleý jáne taratýdy kózdeıtin jahandyq jasyl ósý ınstıtýtyn qurý týraly Kelisimge elimizdi qosý.
Kelisim jahandyq jasyl ósý ınstıtýtyn zańdy tulǵa jáne quqyqtyq qabileti bar halyqaralyq uıym retinde qurý kezinde týyndaıtyn quqyqtyq qatynastardy retteıdi.
Atalǵan Kelisimdi ratıfıkasııalaý qandaı da bir mindettemelerdi qabyldamaıdy jáne tehnıkalyq kómek tartý múmkindigimen ınstıtýttyń saraptamalyq áleýeti men jınaqtalǵan bilim bazasyna qol jetkizýge múmkindik beredi.
Zań jobasy Palatanyń qaraýyna jiberildi.